Манас шаарында эрте никени алдын алуу жана ысырапкорчулукту кыскартуу маселелери талкууланды

Жыйындын жүрүшүндө коомдогу актуалдуу маселелердин бири болгон эрте никенин алдын алуу, үй-бүлө институтун чыңдоо, ата-энелердин жоопкерчилигин жогорулатуу, ошондой эле балдардын укуктарын жана коопсуздугун камсыз кылуу маселелери талкууланды.

Мындан тышкары, Кыргыз Республикасынын Президентинин 2022-жылдын 24-февралындагы №54 «Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө» Жарлыгын ишке ашыруу алкагында маркумду узатуу жана жерге берүүдө ысырапкорчулукту кыскартуу, ашыкча чыгымдарга жана мал союуга жол бербөө маселелерине өзгөчө көңүл бурулду.

Катышуучулар бул багытта түшүндүрүү иштерин күчөтүүнүн, коомдук жоопкерчиликти жогорулатуунун жана диний мекемелер менен мамлекеттик органдардын өз ара аракеттенүүсүн бекемдөөнүн маанилүүлүгүн белгилешип, Жарлыктын талаптарын ырааттуу аткаруу боюнча макулдашышты.