Мектептерде окуучулардын билимин баалоо системасы өзгөрөт. Окуучулардын билим берүүдөгү жеке жетишкендиктерин өлчөө үчүн баалоонун: диагностикалык, калыптандыруучу (формативдик) жана суммативдик үч түрү колдонулат.
1-3-класстарга баа коюлбайт. Мугалим окуучуну жазуу же оозеки түрдө сөз менен баалай алат. 4-6-класстарда кийинки класста окуганга даярдыгынын деңгээлин аныктоо үчүн баллдык система колдонулса, 7-12-класстарда өзүн-өзү баалоого басым жасалат. Ал эми 12-классты аяктагандан кийин жыйынтыктоочу баалоо жүргүзүлөт.