Нарында 3 баллдык жер титирөө катталды

Нарын облусунда 22-июль күнү саат 20:48де жер титирөө катталды. Бул тууралуу Сейсмология институту билдирди.

Маалыматка ылайык, жер титирөөнүн күчү очогунда 3 баллга жеткен.

Жер титирөөнүн очогу Оттук айылынан 7 чакырым түндүктө, Жергетал айылынан 15 чакырым түндүк-чыгышта жана Нарын шаарынан 35 чакырым түндүк-батышта жайгашкан.

Жер титирөө Оттук айылында болжол менен 3 балл, Жергетал айылында 2 баллга чейин сезилген.

Алдын ала маалымат боюнча, жабыркагандар жана кыйроолор катталган жок.