Октябрь Урмамбетов БУУнун Башкы катчысынын Атайын өкүлү менен жолугушту
Кыргыз Республикасынын Ички иштер министрлигинде Кыргыз Республикасынын Ички иштер министринин орун басары, милициянын генерал-майору Октябрь Урмамбетовдун Бириккен Улуттар Уюмунун Башкы катчысынын Жол кыймылынын коопсуздугу боюнча Атайын өкүлү Жан Тодт менен жолугушуусу болуп өттү.
Жолугушуунун жүрүшүндө тараптар жол кыймылынын коопсуздугун камсыздоо жаатындагы кызматташтыкты өнүктүрүү, ошондой эле жол-транспорт кырсыктарын азайтууга жана жол кыймылынын катышуучуларынын өмүрү менен ден соолугун сактоого багытталган эл аралык демилгелерди ишке ашыруу маселелерин талкуулашты.
Октябрь Урмамбетов жол кыймылынын коопсуздугун камсыздоо Кыргыз Республикасынын Ички иштер министрлигинин ишмердүүлүгүндөгү артыкчылыктуу багыттардын бири экенин белгиледи. Ал министрлик жол коопсуздугу системасын өркүндөтүү, заманбап технологияларды киргизүү жана эл аралык кызматташууну чыңдоо боюнча иш-чараларды ырааттуу түрдө ишке ашырып жатканын баса белгиледи.
Жолугушуунун жыйынтыгында тараптар кызматташтыкты мындан ары кеңейтүүгө, биргелешкен демилгелерди ишке ашырууга жана жол кыймылынын коопсуздугун жогорулатуу багытындагы өнөктөштүк мамилелерди бекемдөөгө өз ара кызыкдар экендиктерин ырасташты.
Бөлүшүү:
