Ош: Ак-Тилек кичи районундагы көчөлөр иретке келтирилет

Үстүбүздөгү жылдын 25-мартында Ош шаарынын мэри Жеңишбек Токторбаев тиешелүү кызматтардын жетекчилери менен бирге Ош облусунун Ак-Тилек кичи районундагы №34, №1, №3, №17 көчөлөрүн жана Ак-Тилек – 2 кичи районундагы көчөлөрдү кыдырды. Бул тууралуу Ош шаарынын мэриясынын маалымат кызматы кабарлады.

Шаар башчысы аталган аймактардын жолдорун талапка ылайык иретке келтирүү, мыйзамсыз курулуштарды алуу, жолдун боюн таштандылардан бошотуу жана тазалоо, жашыл аймактарды түзүү боюнча бир катар тапшырмаларды берди.