Ош мэри Казакстандын элчиси менен кызматташууну талкуулады

Ош шаарынын мэри Жанарбек Акаев Казакстандын Кыргыз Республикасындагы Атайын жана Ыйгарым укуктуу Элчиси Абылкаир Скаков менен жолугушту.

Жолугушууда Ош шаары менен Казакстандын ортосундагы кызматташтыкты кеңейтүү, жаңы биргелешкен долбоорлорду ишке ашыруу жана эки тарапка пайдалуу демилгелерди колдоо маселелери талкууланды.

Жанарбек Акаев соода-экономикалык, инвестициялык, маданий-гуманитардык жана туризм тармактарында түзүлгөн өнөктөштүктү мындан ары бекемдөөгө кызыкдар экенин билдирди.

Тараптар мындан ары да өз ара байланыштарды активдештирүү боюнча пикир алмашты.