Ошто мектепке баруучу жол мыйзамсыз объектилерден тазаланууда

Ош шаарындагы Жетимишов көчөсүндө жайгашкан Б. Алыкулов атындагы мектептин айланасын иретке келтирүү иштери жүрүп жатат.

Мектепке кирип-чыгууга тоскоолдук жараткан унаа жуучу жай, гараждар жана башка мыйзамсыз жайгашкан объектилер алынып салынууда.

Аймак толук тазалангандан кийин мектепке баруучу жол ачылып, окуучулар үчүн коопсуз жана эркин өтүүгө шарт түзүлөт.