Ошто мэрдин кубогу үчүн эл аралык шахмат мелдеши жыйынтыкталды

Ош шаарынын күнүнө карата Т. Сатылганов атындагы эс алуу багында өткөн мэрдин кубогу үчүн эл аралык шахмат мелдеши жыйынтыкталды.

Мелдешке Кыргызстан, Казакстан, Өзбекстан, Россия, Индия жана Түштүк Кореядан келген ар түрдүү курактагы шахматчылар катышып, күч сынашты.

Финалдык оюндардан кийин жеңүүчүлөрдү сыйлоо аземи өттү. Анда Ош шаарынын мэринин орун басары Масуда Айдарбекова жана Кыргыз шахмат союзунун президенти Аида Салянова мыкты оюнчуларга кубок, медаль, диплом жана акчалай сыйлыктарды тапшырышты.