Ошто психотроптук дары-дармектерди мыйзамсыз сатууга шектелген жаран кармалды
Кыргыз Республикасынын Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын кызматкерлери тарабынан жүргүзүлгөн ыкчам-тергөө иш-чараларынын натыйжасында Ош шаарында психотроптук заттарды мыйзамсыз жүгүртүүгө байланышкан кылмыштын бети ачылды.
Маалыматка ылайык, жүргүзүлгөн ыкчам иш-чаралардын жүрүшүндө көзөмөлдөнүүгө тийиш болгон психотроптук таасирге ээ дары-дармектерди дарыгердин тиешелүү рецептисиз мыйзамсыз сатып жүргөн 2001-жылы туулган Х.Ш.С. аттуу жаран кармалган.
Шектүүнүн жашаган жеринде жүргүзүлгөн кечиктирилгис тинтүү учурунда психотроптук таасирге ээ болгон «Р» жана «Т» аталышындагы дары-дармектер табылып, алынганы маалымдалды.
Аталган факт боюнча Кыргыз Республикасынын Кылмыш-жаза кодексинин 282-беренеси («Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо») менен кылмыш иши козголуп, учурда тергөө амалдары жүргүзүлүүдө.
