Ошто «Унаасыз бир күн» челленджинин жеңүүчүлөрү аныкталды

Ош шаарында эки ай мурда башталган «Унаасыз бир күн – велосипед менен жумушка» челленджинин жеңүүчүлөрү бүгүн, 7-октябрда сыйланды.

Сынактын алкагында катышуучулар күн сайын велосипед менен жумушка барып, видеолорун тартып турушкан. Демилге шаар тургундарын сергек жашоого жана ден соолукту чыңдоого үндөөгө багытталган.

Жыйынтыгында 1-орунду Диана Умаралиева, 2-орунду Замирбек Эрнусбек уулу, 3-орунду Алмаз Маликов ээледи.

Жеңүүчүлөргө акыркы үлгүдөгү велосипеддер белекке берилди. Ош мэриясы челленджге катышкан бардык шаар тургундарына ыраазычылык билдирди.