Ошто жол боюндагы 25 мыйзамсыз соода жана тейлөө жайы аныкталды

Ош облусунда жол жээктерине мыйзамсыз жайгашкан соода жана тейлөө объектилерине көзөмөл күчөтүлдү. Курулуш министрлигине караштуу Мамлекеттик архитектура-курулуш контролдоо департаментинин Ош региондук башкармалыгы тарабынан Бишкек–Ош жана Өзгөн–Кара-Кулжа унаа жолдорунун боюнда текшерүү жүргүзүлдү.

Анын жүрүшүндө тиешелүү уруксат берүүчү документтери жок иштеп жаткан 25 соода жана тейлөө объектиси аныкталды.

Алардын арасында:

• 11 жеңил типтеги дүкөн;
• 5 чарбалык товарлар дүкөнү;
• 6 тез тамактануучу жай;
• 3 чач тарач бар.

Аныкталган мыйзам бузуулар боюнча тиешелүү тараптарга чара көрүлүп, объектилерди мыйзам талаптарына ылайык келтирүү боюнча көрсөтмөлөр жана эскертүүлөр берилди.

Мамлекеттик архитектура-курулуш контролдоо департаменти жол боюнда соода жана тейлөө объектилерин жайгаштырууда мыйзам талаптарын, курулуш ченемдерин жана техникалык регламенттерди так сактоого чакырды.