Осмоналиев Каныбек Осмоналиевич

Кичи мекени:

Ош облусу, Алай району, Гүлчө айылы.

Туулган жылы:

1956-жыл, 21-январь.

Билими: Жогорку.

Ош педагогикалык институтун 1977-жылы артыкчылык диплому менен аяктап, “орто мектептин физика мугалими” адистигине ээ болгон.

1983-1986-жылдары Кыргыз мамлекеттик университетинин аспирантурасынын күндүзгү бөлүмүндө окуган. Аспиранттык мөөнөтүн Эстониянын Тарту  университетинде 3 жылдык илимий командировка катары өтөгөн.

Эмгек ишмердүүлүгү:

Эмгек жолун 1977-жылы орто мектептин физика мугалими катары баштаган.

1979-1992-жылдары Ош пединститунун эксперименталдык жана теоретикалык физика кафедрасында лаборант, ага лаборант, окутуучу, ага окутуучу жана доцент болуп эмгектенген.

1992-1994-жылдары Кыргыз Улуттук университетинин физика кафедрасында доцент болуп иштеген.

1994-2002-жылдары “Дастан” Технологиялык Университетин жаңыдан түзүп, анын ректору болгон.

2002-2005-жылдары Кыргыз Өкмөтүнүн алдындагы Илим жана интеллектуалдык менчик агенттигинин директорунун илим боюнча орун басары.

1994 — жылдан 1999-жылга чейин Бишкек шаардык Кеңешине 1-Май району боюнча альтернативдик негизде депутат болуп шайланган. 1-Май аймактык депутаттар тобун жетектеген.

2005-2007-жылдары Кыргыз Республикасынын Билим берүү, илим жана жаштар саясатынын министринин орун басары болуп эмгектенген.

2007-2008-жылдары Кыргыз Республикасынын Билим берүү жана илим министри болгон.

2008-жылдан 2010-жылга чейин  Кыргыз Республикасынын Өкмөтүнүн алдындагы Дин иштери боюнча Мамлекеттик агенттиктин директору.

2010-жылдын октябрь айында “Ар-Намыс” саясий партиясынын тизмеси менен Жогорку Кеңештин V чакырылышынын депутаты болуп шайланган. Жогорку Кеңештин Билим берүү, илим, маданият жана спорт Комитетин жетектеген.

100 дөн ашуун илимий жана илимий-педагогикалык макалалардын жана эмгектердин автору.

“Илим жана Турмуш” илимий-популярдуу теле-жана радиоберүүлөрдүн автору жана алып баруучусу (2012-жылдан бери карай).

2015-2021-жылдары Ж.Баласагын атындагы Кыргыз Улуттук университетинин физика кафедрасынын профессору болуп эмгектенген.

2021-жылдын 15-февралынан Кыргыз Республикасынын Премьер-министринин, ал эми  2021-жылдын 6-майынан Министрлер кабинетинин Төрагасынын Кеңешчиси болуп эмгектенген.

Сыйлыктары:

Кыргыз Республикасынын билим берүүсүнүн отличниги (1999).

Кыргыз Республикасынын маданиятынын отличниги (2013).

Физика-математика илимдеринин доктору (2000).

Физиканын профессору (2001).

Эл аралык кадрлар академиясынын корреспондент-мүчөсү, Киев ш. (1999).

Мамлекеттик кызматтын II класстагы Мамлекеттик Кеңешчиси (2007).

Евроазиялык Патентттик уюмунун Алтын медалынын ээси (2014).

Байланышуу үчүн:

error: Content is protected !!