Президент Садыр Жапаров 9-октябрда, Кытайдын Кыргызстандагы элчиси Ду Дэвэнге КР мамлекеттик сыйлыгы — «Достук» орденин тапшырды.
«Кыргызстан сиздин кыргыз-кытай ынак коңшулук, достук жана кызматташтык мамилелерин чыңдоого кошкон баа жеткис салымыңызды жогору баалайт», — деп белгиледи Садыр Жапаров.
Элчи Ду Дэвэнь КЭР төрагасы Си Цзиньпиндин жылуу саламын айтып, көрсөтүлгөн сый-урмат жана жогорку сыйлык үчүн ыраазычылык билдирди. Бул сыйлык Садыр Жапаровдун кыргыз-кытай кызматташтыгын өнүктүрүүгө болгон мамилесин жана көңүл буруусун көрсөтүп жатканын белгиледи.
«Кыргызстан Кытай үчүн — жакшы кошуна, жакшы дос жана ишенимдүү өнөктөш. Биз өлкөлөрүбүздүн ортосундагы кызматташтыкты бардык тармактарда өнүктүрүүгө дайым даярбыз», — деп кошумчалады элчи.
Мамлекет башчысы белгилегендей, бул орден менен Кыргызстан жана чет өлкөлөрдүн жарандары тынчтыкты, достукту жана эл аралык кызматташтыкты бекемдөө боюнча жасаган иштери үчүн сыйланышат.