Президент: «Мамлекетке өткөн мүлктөр боюнча ревизия жыл аягына барып бүтөт»

Садыр Жапаров 11-марттагы Жогорку Кеңештин жыйынында мамлекетке кайтарылган мүлктөр боюнча айтып, аларды текшерүү, тактоо иштери жыл аягында бүтөрүн билдирди.

Мамлекет башчысынын айтымында, мамлекетке кайтарылган мүлктөрдүн арасында жер тилкелери, бала бакчалар, ар кандай мекемелер жана заводдор бар.

“МАМЛЕКЕТКЕ ӨТКӨН МҮЛКТӨР БОЮНЧА РЕВИЗИЯ БҮТКӨНДӨН КИЙИН ЖЫЙЫНТЫГЫН ЧЫГАРАБЫЗ. ИШТЕР ЖЫЛ АЯГЫНА БАРЫП БҮТӨТ. МАМЛЕКЕТКЕ КАЙРА КАЙТАРЫЛГАН ЖЕРЛЕР, БАЛА БАКЧА, МЕКЕМЕ, ЗАВОДДОР БАР. МҮЛКТӨР АКЧАЛАЙ ТҮРДӨ ЭЛЕ ӨТКӨН ЭМЕС. ОШОЛ ҮЧҮН БАРДЫГЫН РЕВИЗИЯ КЫЛГАН СОҢ, ТАК СУММАСЫН АЙТАБЫЗ”, — ДЕДИ ПРЕЗИДЕНТ.