Садыр Жапаров Кара-Көл шаарынын жаңы мэрин дайындады

Кыргыз Республикасынын Президенти Садыр Жапаров кол койгон тескемеге ылайык, Азамат Турдубеков Жалал-Абад облусунун Кара-Көл шаарынын мэри болуп дайындалды.

Президенттин Администрациясынан билдиришкендей, тиешелүү чечим Кыргыз Республикасынын Конституциясынын 71-беренесинин жана «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамдын 47-беренесинин негизинде кабыл алынган.

Ошол эле учурда буга чейин Кара-Көл шаарынын мэри болуп иштеп келген Эдилбек Тажимырзаев ээлеген кызматынан бошотулду.

Тийиштүү кадрдык өзгөрүүлөр тууралуу Президент Садыр Жапаров кол койгон тескемелерде белгиленген.