Сауд Арабиясынан Ошко 120, Бишкекке 90 жаран учуп келди

Сауд Арабиясынын Жидда шаарынан бүгүн «Ош» эл аралык аэропортуна 120 жаран, ал эми “Манас” эл аралык аэропортуна 90 жаран учуп келди.

Ошондой эле бүгүн, 5-мартта, Оман өлкөсүнөн дагы 360 кыргызстандыктын келиши күтүлүүдө.

Маалыматка ылайык, жарандарды мекенине кайтаруу иштери Тышкы иштер министрлиги тарабынан жүргүзүлүүдө.

Жидда – Бишкек жана Жидда – Ош багыттары боюнча атайын авиакаттамдар министрликтин демилгеси менен уюштурулган.