Синтетикалык баңгизаттарды чыгарган жашыруун нарколаборатория аныкталды

Укук коргоо органдары тарабынан синтетикалык баңгизаттарды даярдап келген жашыруун нарколаборатория аныкталды.

Маалыматка ылайык, кылмыш ишинин алкагында Н.А.Д., А.Ч.Х. жана Д.А.В. аттуу жарандар кармалган.

Жүргүзүлгөн атайын иш-чаралардын жүрүшүндө «Спайс» жана «A-PVP» аталышындагы синтетикалык баңгизаттар табылып, алынган.

Учурда нарколабораторияны уюштурууга тиешеси бар башка адамдарды аныктоо, ошондой эле баңгизаттарды таратуу каналдарын бөгөт коюу боюнча ыкчам-издөө иштери уланууда.