Токаев менен Эрдоган Alem.ai борборунун ишмердүүлүгү менен таанышты

Казакстандын башчысы Касым-Жомарт Токаев менен Түркиянын лидери Режеп Тайип Эрдоган Alem.ai эл аралык жасалма интеллект борборуна барышты.

Эки өлкөнүн лидерлерине Казакстандын негизги технологиялык хабына айланууну көздөгөн борбордун мүмкүнчүлүктөрү тааныштырылды.

Премьер-министрдин орун басары – Жасалма интеллект жана санариптик өнүктүрүү министри Жаслан Мадиев музей экспозициясын жана ЖИ-кинотеатрын көрсөтүп, борбордун узак мөөнөттүү өнүгүү стратегиясы тууралуу маалымат берди.

Мындан тышкары, президенттерге Astana Smart City долбоору тааныштырылып, санариптик технологиялар жана жасалма интеллект жаатындагы жаңы демилгелер тууралуу баяндалды.