Улан Ниязбеков I даражадагы «Манас» ордени менен сыйланды

Президент Садыр Жапаров ички иштер министри, милициянын генерал-полковниги Улан Ниязбековду I даражадагы «Манас» ордени менен сыйлады.

Тиешелүү жарлыкка мамлекет башчысы кол койду.

Улан Ниязбеков бул сыйлыкка Шанхай кызматташтык уюмунун саммитин, Дүйнөлүк көчмөндөр оюндарын жана Кыргызстандын Эгемендүүлүк күнүнө карата иш-чараларды уюштурууга жана өткөрүүгө кошкон олуттуу салымы, ошондой эле кесиптик ишмердүүлүгүндөгү жетишкендиктери үчүн татыды.

Мындан тышкары, I даражадагы «Манас» ордени Бишкек шаарынын мэри Айбек Жунушалиевге да ыйгарылды.