Үркүн окуяларынын 110 жылдыгына арналган көргөзмө ачылат

25-август, 2026-ж. / Редакция / Эскертүү 161

2026-жылдын 27-августунда Бишкекте Үркүн окуяларынын 110 жылдыгына арналган көргөзмө ачылат.

Саат 14:00дө Гапар Айтиев атындагы Кыргыз улуттук көркөм сүрөт искусство музейинде өтө турган экспозиция Борбордук Азия университетинин «Эс тутум жана эстеликтер: музейлер дубалсыз жана чек арасыз» долбоорунун алкагында уюштурулууда.

Көргөзмөдө музейдин фондунда сакталган Үркүн темасындагы көркөм чыгармалар жана оозеки тарыхтарды изилдөөнүн негизинде жаралган инсталляциялар коюлат.

Экспозиция аркылуу 1916-жылдагы тарыхый окуялардын эл эсинде калган издери, муундан муунга өтүп келе жаткан эскерүүлөрү жана тарыхый эс-тутум чагылдырылат.

Көргөзмөнүн автору жана арт-куратору — Замира Батырбекова. Долбоорго Кулайым Батырбекова жана Акзыйнат Шеримбек кызы да катышкан.

25-август, 2026-ж. / Редакция / Эскертүү / #110 жыл / #үркүн 161