«Ынтымак-2» сейил багында ачык асман алдындагы музыкалык кечелер өтөт

3-июль, 2026-ж. / Редакция / Жаңылыктар 89

Бишкек шаарынын мэриясы шаар тургундарын жана борбор калаанын конокторун 2026-жылдын 3–4-июль күндөрү өтө турган ачык асман алдындагы музыкалык кечелерге чакырат.

Иш-чаралар саат 19:00дө «Ынтымак-2» сейил багынын амфитеатрында башталат. Концерттик программада чыгармачыл жамааттар жана таланттуу аткаруучулар өнөр көрсөтүп, элдик жана эстрадалык чыгармаларды аткарышат.

Долбоор шаардыктардын маданий эс алуусун уюштурууга, улуттук өнөрдү жайылтууга жана үй-бүлөлүк эс алуу үчүн жагымдуу шарттарды түзүүгө багытталган.

Белгилей кетсек, июнь айында аталган музыкалык кечелер «Ала-Тоо» аянтында ийгиликтүү өткөрүлгөн. Ал эми июль айында долбоор борбор калаанын сейил бактарында улантылып, шаар тургундары менен конокторуна чыгармачылык маанай тартуулайт.

3-июль, 2026-ж. / Редакция / Жаңылыктар / #«Ынтымак-2» / #ачык асман / #музыка / #мэрия 89