Ысык-Көлдө экологиялык рейд жүрүп, 14 теплоход текшерилип, мыйзам бузгандарга айып пул салынды

23-июль, 2026-ж. / Редакция / Жаңылыктар 132

Чолпон-Ата жана Бостери аймактарында атмосфералык абанын сапатын көзөмөлдөө максатында жүргүзүлгөн рейддин жүрүшүндө 14 теплоход текшерилди.

Текшерүүнүн жыйынтыгында экологиялык мыйзамдардын талаптарын бузган 4 жаран аныкталып, ар бирине 7 миң 500 сомдон административдик айып пул салынды. Жалпы өндүрүлгөн айып пулдун көлөмү 30 миң сомду түздү.

Экологиялык жана техникалык көзөмөл кызматы айлана-чөйрөнү коргоо боюнча рейддик иш-чаралар мындан ары да үзгүлтүксүз уланып, мыйзам талаптарынын сакталышы көзөмөлгө алынарын билдирди.

23-июль, 2026-ж. / Редакция / Жаңылыктар / #айып пул / #рейд / #теплоход 132