Ысык-Көлдө мыйзамсыз курулуштар боюнча кылмыш иши козголду

13-июль, 2026-ж. / Редакция / Аймактарда 147

Бишкек экологиялык прокуратурасы Ысык-Көл районунда жүргүзүлгөн текшерүүнүн жүрүшүндө Чолпон-Ата шаарындагы жана Бостери айылындагы туристтик жайларда экологиялык мыйзамдардын бузулганын аныктады.

Маалыматка ылайык, жооптуу кызмат адамдары тазалоочу курулмалардын санитардык-коргоо зонасында курулуш жүргүзүүгө мыйзамсыз уруксат беришкен.

Аталган факт боюнча Кылмыш-жаза кодексинин 337-беренеси («Кызмат абалын кыянаттык менен пайдалануу») менен кылмыш иши козголуп, тергөө жүрүп жатат.

Ошондой эле тазалоочу курулмалардын айланасында мыйзамсыз курулган 30 объект боюнча тиешелүү мамлекеттик органдарга прокурордук акт киргизилди.

13-июль, 2026-ж. / Редакция / Аймактарда / #бостери / #туристтик жайларда / #Чолпон-Ата / #Ысык-Көл / #экологиялык мыйзамдар 147