Жалал-Абадда 64 жаранга мыйзамсыз пенсия чегерилген

19-ноябрь, 2026-ж. / Редакция / Жаңылыктар 91

Жалал-Абад облусунун прокуратурасы тарабынан жүргүзүлгөн текшерүүдө психиатриялык аймактык райондор аралык медико-социалдык эксперттик комиссиянын (МСЭК) жооптуу кызмат адамдары мыйзамсыз аракеттерге барганы аныкталды.

Маалыматка ылайык, кызмат адамдары тиешелүү медициналык-социалдык экспертизаларды өткөрбөстөн, «ИС МСЭК» маалыматтык системасы аркылуу жасалма маалымкаттарды түзүшкөн.

Аталган жасалма документтердин негизинде 2025–2026-жылдары 64 жаранга мыйзамсыз пенсия чегерилип, мамлекетке 4 миллион сомго жакын материалдык зыян келтирилген.

Бул факт боюнча Кылмыш-жаза кодексинин 337-беренеси (Кызмат абалынан кыянаттык менен пайдалануу) менен кылмыш иши козголду.

Учурда тергөө амалдары жүргүзүлүүдө.

19-ноябрь, 2026-ж. / Редакция / Жаңылыктар 91
Бөлүшүү: Telegram WhatsApp X