Жогорку Кеңештин депутаттары «Алтын сертификаттын» ээси Арина Ниязалиева менен жолугушту
Жолугушуунун жүрүшүндө Арина Ниязалиева ЖРТга даярдануу процесси, кездешкен кыйынчылыктар жана жетишкен ийгиликтери тууралуу айтып берди. Ошондой эле ал келечектеги максаттары жана кесиптик пландары менен бөлүштү.
Депутаттар жаш бүтүрүүчүнү жогорку көрсөткүчү менен куттуктап, өлкө боюнча эң мыкты 50 абитуриенттин катарына кириши чоң жетишкендик экенин белгилешти. Эл өкүлдөрү абитуриенттик мезгил ар бир жаштын турмушундагы жоопкерчиликтүү этаптардын бири экенине токтолуп, жогорку окуу жайын жана келечектеги кесибин туура тандоонун маанисин баса белгилешти. Ошондой эле алар Аринага өздөрүнүн кеп-кеңештерин берип, билим жолундагы мындан аркы ийгиликтерин каалашты.
Жолугушуунун соңунда депутаттар Арина Ниязалиевага Жогорку Кеңештин атынан Ыраазычылык катты жана атайын белектерди тапшырып, келечектеги окуусуна жана жеке өнүгүүсүнө ийгиликтерди каалашты.
