Аскер кызматкерлеринин 70 пайызы ипотека аркылуу үй алды

Аскер кызматчыларынын 70 пайызы ипотека аркылуу үйлүү болушту. Бул тууралуу Коргоо минстрлигинин финансы башкармалыгы башчысынын орун басары Асхат Оморов билдирди.
“Эгерде аскер адамы ипотека алса, ага ай сайын 9 миң сомдон бөлүнүп берилет. Ал эми калган айырмасын өзү төлөйт. Бул тууралуу 2017-жылы чыккан № 8 токтомдо каралган. ”, — дейт министрдин орун басары.
Белгилей кетсек, бүгүн, 24-сентябрда Коргоо министрлигинин финансы башкармалыгынын башчысынын орун басары Асхат Оморов, Коргоо министрлигинин пенсия бөлүмүнүн башчысы Ханзада Осмоналиевалар жыйын өткөрүштү.