Баткен: Максат айылындагы мектеп салынып бүтүп, окуучуларды кабыл алды

Баткен облусунун Лейлек районунун Максат айылынын орто мектеби ачылды. Бул тууралуу Билим берүү жана илим министрлиги билдирди.

Жаңы окуу жылынын башталышына арналган салтанаттуу иш-чарага министрликтин өкүлдөрү, облустук, райондук жетекчилер, мектеп мугалимдери, окуучулар, ошондой эле айыл тургундары катышты.

Эске салсак, кыргыз-тажик чек арасындагы чыккан жаңжалдан улам Максат айылынын орто мектеби өрттөнүп, жараксыз абалга келген.