Бишкекте Чүй проспектинин бир бөлүгү толугу менен жарыктандырылды

Бишкекте Чүй проспектинин Бейшеналиева көчөсүнөн Манас көчөсүнө чейинки бөлүгүндө тышкы жарыктандыруу тармактарын жаңылоо иштери аяктады.

«Бишкекжарык» муниципалдык ишканасы бул тилкеде 177 жаңы мамы, 362 заманбап чырак орнотуп, 7 470 метр кабель тартты. Ошондой эле Манас көчөсүнүн Чүй проспектисинен «Аска-Таш» мемориалдык комплексине чейинки бөлүгү да жаңыланды.

Жаңы жарыктандыруу жолдун жана ага чектеш аймактардын көрүнүшүн жакшыртып, айдоочулар менен жөө жүргүнчүлөрдүн коопсуздугун жогорулатат.

Борбор калаада тышкы жарыктандыруу тармактарын модернизациялоо иштери уланууда.