Бишкекте Экологиялык кеңештин төртүнчү отуруму өттү
2026-жылдын 8-октябрында Бишкек шаарындагы И. Айдарбеков көчөсүнүн жаңыланган бульварында Экологиялык кеңештин төртүнчү отуруму өттү.
Жыйынга мэр Айбек Джунушалиев, депутаттар, шаардык кызматтардын жетекчилери, экоактивисттер, коомдук уюмдардын өкүлдөрү жана шаар тургундары катышты.
Иш-чаранын жүрүшүндө катышуучулар бульварды кыдырып, реконструкция иштеринин жыйынтыктары менен таанышып, бак-дарактарды отургузушту.
Мэр Айбек Джунушалиев шаарды өнүктүрүүдө жарандардын сунуштарын жана конструктивдүү сын-пикирлерин эске алуу маанилүү экенин белгиледи.
Ошондой эле Алматы шаарынан келген ландшафт архитектору Роман Шнайдерман Бишкектин жашыл мейкиндиктерин өнүктүрүү жана көрктөндүрүү боюнча сунуштарын бөлүштү.
Иш-чаранын алкагында бульварга декоративдүү бадалдардын 2 878 көчөтү отургузулду.
Жыйын ачык талкуу менен аяктап, катышуучулар жашылдандыруу, сугат системасы жана коомдук мейкиндиктерди өнүктүрүү маселелерин талкуулашты. Айтылган сунуштар мэриянын тиешелүү кызматтары тарабынан каралат.
