Бишкекте коомдук транспорттордун техникалык абалын текшерүү боюнча рейд өткөрүлдү. Бул тууралуу муниципалитеттин басма сөз кызматынан билдиришти.
Рейддин жүрүшүндө троллейбустардын санитардык-техникалык абалы, мүмкүнчүлүгү чектелген жарандар үчүн атайын пандустар текшерилди. Талапты аткарбаган троллейбустардын айдоочуларына Бишкек ШИИББы боюнча МККБнын ТКБнүн кызматкерлери протоколдорду түзүштү.
Рейд таңкы саат 05:00дөн 08:00гө чейин жүргүзүлдү. Айрым троллейбустар оңдолуп, линияга чыгарылды.
Эске салсак, күнүнө орто эсеп менен 120 троллейбус каттамга чыгат.