Чүйдө өрттүн кесепетинен 2 жаран денесинен күйүк алды

Чүй районунун Виноградный айылында жайгашкан эски иштетилбеген винзаводдун аймагында, азыркы учурда менчик механизациялаштырылган парк катары колдонулуп жаткан цехтин ичинде таштанды, мазут жана автопокрышкалар күйдү. Бул тууралуу ӨКМ басма — сөз кызматы билдирет.

Маалыматка ылайык, өрттү ишкананын кароолчулары өздөрү өчүрүүгө аракет кылып 1985ж.т. К.З. аттуу жаран бет, моюн жана колунан күйүк, 2003ж.т. К.У. денесинин 50% күйүк алышкан.

 Жабыркагандар Токмок шаардык ооруканасынын жандандыруу (реанимация) бөлүмүнө жеткирилген.

Өрт саат 03:15те чектөөгө алынып, 05:31де толук өчүрүлдү.

Өрттү өчүрүүгө Токмок шаардык №21 ӨККБдан бир бөлүм тартылды.

«Өрттүн себеби: электр зымдарынын кыска чыңалуусу», — деп белгилешет ӨКМдан.