Черногория Кыргызстан менен туризм жаатындагы кызматташтыкты кеңейтет

Черногориянын туризм министри, UN Tourism уюмунун Европа боюнча комиссиясынын төрайымы Симонида Кордич Кыргызстанга расмий иш сапары менен келди.

Сапардын алкагында эки өлкөнүн өкүлдөрү туризм тармагындагы кызматташтыкты өнүктүрүү, туруктуу туризм жана аймактык демилгелерди европалык туристтик программаларга интеграциялоо маселелерин талкуулашат.

Мындан тышкары, Симонида Кордич Кыргызстанда өтүп жаткан VI Дүйнөлүк көчмөндөр оюндарынын иш-чараларына катышат.

Иш сапар Кыргызстан менен Черногориянын туризм тармагындагы кызматташтыгын кеңейтүүгө жана тажрыйба алмашууга багытталган.