Кара-Кечеде көчкү жүрдү

4-ноябрь, 2021-ж. / Жаңыл Дүйшөкеева / Аймак 25

Нарын облусунун Жумгал районунда кечээ, 3-ноябрда саат 13:30да чамасында Кара-Кече көмүр кениндеги №27-забоюнда көчкү жүрүп, “Кор-Дрилинг Интер-Прайзер” жеке ишканасынын 1 даана экскаваторун басып калган. Жабыркагандар жок. Бул тууралуу ӨКМдин басма сөз кызматы билдирди.

Жерине райондук Жарандык коргонуу комиссиясы жана КР ӨКМнин Жумгал райондук бөлүмүнүн ыкчам тобу барган. Тазалоо иштери “Кор-Дрилинг Интер-Прайзер” жеке ишканасына милдеттендирилди.

Маалыматка ылайык көмүр кени учурда штаттык режимде иш алып барууда.

4-ноябрь, 2021-ж. / Жаңыл Дүйшөкеева / Аймак / #Кара-Кечеде көчкү жүрдү 25