Казакстанда 5,5 баллдык жер титирөө болуп, Кыргызстанда да сезилген

Өзгөчө кырдаалдар министрлигинин маалымат кызматы саат 04:42де Казакстанда күчү 5,5 баллга жеткен жеткен жер титирөө катталгандыгын маалымдады. Бул тууралуу ӨКМге КРнын Сейсмология институту билдирген.

Жер титирөө Талас районунун Көпүрө-Базар айылында 5 балл, Чүйдөгү Жайыл районунун Кара Балта шаарында жана Бишкекте болжол менен 4 баллга чейин сезилген.

Учурда жабыркагандар жана кыйроолор боюнча тактоо иштери жүргүзүлүүдө.

Алсак, Талас облусунун Талас районунда ыкчам топ түзүлүп, Көпүрө-Базар айылына барган. Алардын алдын ала билдирүүлөрү боюнча 5 турак жайдын дубалдарынан жарака кеткен.

ӨКМ кошумча маалымат берилерин билдирди.