Кыргызстандык окуучу Балкан олимпиадасында коло медаль алды

Кыргызстандык окуучулар информатика боюнча XXXIII Балкан олимпиадасында 1 коло медаль жана 1 Ардак грамотага ээ болушту.

14–20-сентябрда Албаниянын Тирана шаарында өткөн BOI 2026 олимпиадасына 75 окуучу катышты. Анда өлкөнүн атынан чыккан “Газпром Кыргызстан” мектебинин окуучусу Эмирхан Сыдыкаев коло медаль тагынды. Анын машыктыруучусу — Евгений Кичак.

Ал эми “Акылман” Президенттик лицейинин окуучусу Аруубек Баймырзаев Ардак грамота менен сыйланды. Анын машыктыруучусу Медербек Осмонов.

Кыргызстандын командасын Медербек Осмонов жетектеп, жетекчинин орун басары болуп Евгений Кичак иштеди.