Кыргызстандык окуучу европалык олимпиадада коло медаль алды

Билим берүү жана илим министрлигинин билдирүүсү боюнча, Бишкектеги «Айчүрөк» лицейинин окуучусу Анарбай кызы Элнура, 9-апрелден 15-апрелге чейин, Грузиянын Кутаиси шаарында онлайн режимде математика боюнча өткөн европалык олимпиадада коло медаль жеңип алды. Олимпиадага 54 өлкөдөн жалпы 213 окуучу катышкан. Кыргызстандан олимпиадага коло медалдын жеңүүчүсү Анарбай кызы Элнурадан сырткары, Мырсабекова Алина, Ишанкулова Каринахо, Давыдова Виктория «Газпром Кыргызстан» мектебинин базасында дистанттык режимде катыша алышты.