МинКаб башчысы Адылбек Касымалиев Өзбекстанга барды

МинКабдын Төрагасы — Президенттин Администрациясынын Жетекчиси Адылбек Касымалиев Өзбекстанга жумушчу сапары менен барды.

Сапардын алкагында төрага Ташкенттеги эл аралык инвестициялык форумга катышат. Ошондой эле Өзбекстан Республикасынын Президенти Шавкат Мирзиёев жана Премьер-министри Абдулла Арипов менен жолугушууларды өткөрөт. Аны менен катар сапар учурунда бир катар объектилерди көрүп чыгат.