Ош: Каналга чөгүп кеткен наристенин жансыз денеси табылды

28-сентябрь, 2021-ж. / Жаңыл Дүйшөкеева / Кырсык 44

26-сентябрь күнү Кара-Суу районунун Отуз -Адыр айыл аймагынын Тойчу айылынын 1997-ж.т. И.М. аттуу аял кыздары (2018-ж.т. Х.С., 2020-ж.т. Х.С.) менен Отуз-Адыр каналына түшүп кеткендиги тууралуу маалымат ӨКМге түшкөн.

Жергиликтүү тургундар аялды жана анын 2018-ж.т. кызын суудан аман-эсен алып чыгарышып тез жардам кызматкерлерине өткөрүп беришкен. Бирок, анын 1,5 жаштагы экинчи кызы табылган эмес. Куткаруучулар тарабынан жүргүзүлгөн издөө иштери уланып, бүгүн, 28 -ентябрда ӨКМнин 16 куткаруучусу жана жергиликтүү тургундардан 15 киши тартылган.

Издөө иштердин натыйжасында, бүгүн эртең мененки саат 10:50дө ӨКМнин куткаруучулары тарабынан 1,5 жаштагы наристенин каналга түшүп кеткен жерден 1,5 км төмөнүрөөк аймактан анын жансыз денеси табылды.

ӨКМдин басма сөз кызматынын билдирүүсүндө, куткаруучулар кыздын сөөгүн туугандарына өткөрүп беришти.

28-сентябрь, 2021-ж. / Жаңыл Дүйшөкеева / Кырсык / #Ош: Каналга чөгүп кеткен наристенин жансыз денеси табылды 44