Соң-Көл көлүндө мыйзамсыз балык уулоочу торлор тазаланды
Бүгүн «Соң-Көл балык чарбасы» мамлекеттик ишканасынын кызматкерлери Ак-Талаа жана Жумгал райондук милиция кызматкерлери менен биргеликте Соң-Көл көлүндө экологиялык абалды жакшыртуу жана балык ресурстарын коргоо максатында рейддик иш-чара өткөрүштү.
Иш-чаранын жүрүшүндө көлдүн акваториясында мыйзамсыз орнотулган синтетикалык балык уулоочу торлорду аныктоо жана тазалоо иштери жүргүзүлдү. Рейддин жыйынтыгында жалпы узундугу 8 000 метрди түзгөн мыйзамсыз торлор алынып, көл толугу менен тазаланды.
Бул иш-чаралар Соң-Көлдүн экологиялык абалын жакшыртууга, биологиялык ресурстарды сактоого жана көлдүн мелиоративдик абалын калыбына келтирүүгө багытталган.
Учурда Соң-Көл аймагын мыйзамсыз балык уулоочу шаймандардан тазалоо жана экологиялык абалды жакшыртуу иштери улантылууда.
Бөлүшүү:
