Кечээ, 2-апрелде Кадамжай районунун Алга айылында болгон унаа кырсыктын чоо-жайы такталды. Бул тууралуу Жол кыймылынын коопсуздугун камсыздоо бөлүмүнөн кабарлашты.
Маалыматка караганда, кечээ саат 15:30 чамасында Ош—Раззаков унаа жолунун 149-чакырымында (Алга айылы) «Тойота Фораннер» үлгүсүндөгү унаа батыштан чыгышка бара жатып каршы тилекеде келе жаткан «Опель Вектра» унаасы менен кагышып экөө тең өрттөнүп кеткен. Анын кесепетинен «Опель Вектра» унаасынын айдоочусу жана жүргүнчүсү каза болгон. Каза болгондор Кадамжай районунун тургундары болушкан.
«Тойота Фораннер» унаасынын айдоочусу менен жүргүнчүсү ооруканага жеткирилген. Бирөөсүнө операция жасалып, абалы оор абалда экени айтылууда.
Азыркы учурда тергөө иштери жүргүзүлүп жатат.
